Your Daily News

Mi Kuaha Eizawng Thin Professional Cuddler Chuan Darkar Khatah $100 (₹7,300) Sum A Hailut

0 602

Khawvelah hian eizawnna chi engzat tak awm ang maw! US a khawsa nu pakhat Keeley Shoup chuan mi a kuah man chu eizawn nan a hmang hlauh tih hriat a ni.

Mi kuaha ei zawng Keeley Shoup chuan rilru lama hliam tuarte leh tanpui ngaite chu thlamuanna leh damna an chan theih nan a lo kuangkuah thin a, Darkar 1 zelah $100 (India pawisa chuan 7300) a hlawh phak a ni.

Keeley sawidanin, mi kuaha inhlawh thin a nih angin, amah dawrtuten thil pawi leh a hnathawhna an chawhbuai loh nan dan leh dun mumal tak a siam tih Daily Star chuan a tarlang.

Mi nen an inkuahna chu mipathmeichhiatna lam rilru tenawm tello leh hmangaihna a khat, rilru thianghlim tak pu chunga kalpui tur a ni a, amah dawrtute chuan thawmhnaw pangai tak an inbel tur a ni bawk.

Mahse, amah Keeley Shoup sawidanin a customer-te hnen atangin mi a kuahdan turah reguests mak danglam tak tak a dawng nasa thin tih a sawi a ni. Keeley chuan ngenna mak tak tak amah dawrtute hnen atanga a dawng thei chu amah an rintawkzia tilangtu a nia, atan chuan thil lawmawm tak a ni tih a sawi lang bawk.

A sawi zelnaah, code of conduct bawhchhiatna tih loh a customers-te ngenna chu tihhlawhlin ngei a tum thin tih a sawia, a kiangah zahna leh inthlahrunna an neih loh nan a inhawng zau hle a, mi tu pawhin zalenna an neih theih nan judge a tum lo a ti bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!