Your Daily News

Mi Huanah Balhla Bawr 2 A Ruk Avangin Mipui Thinrimin An Sawisa Hlum

0 277

Report-na in a tarlan danin Cambodia ram, Kendal Province ah Muslim sakhaw zuitu pa pakhat chu November 18, 2020, dar 2:40pm khan Kampong khuaah balhla ruk thubuai avangin thia hmuh a nih thu an tarlang.

An sawidanin Yep Sokrey kum 32 a upa Cambodian-Muslim, sangha mantu ni bawk chu hliam na tak tuarin khawlaiah thia a hmuh a ni tih an sawi.

A hnuah tualchhung mi thenkhatte hnen atangin police-ten thu an dawng zui nghala, an han chhui chianga he pa lainatawm tak hi mi 40 atanga 50 vel zetin kut an thlak tih an hrechhuak ta a ni. A hliam chu a nat em avangin a boral zui tih an sawi.

Damdawi in lamah a ruang endik tura thawn nghala a nia, doctor-te sawi danin a nakruk a tliak nual tih an sawia, a lu ah 10cm a thuk hliam an hmu bawk. A taksa dang pawh a chhe nual niin an sawi a ni.

Kendal Technical police-ten thil awmdan an han chhuichianga Yep Sokrey kum 32 a upa hian mi huan a mi balhla bawr 2 a ruk avangin, tualchhung mipuiten um zuiin lungin an vawm bawka, kut theih tawpa an thlak hnuah a boral zui ta tih an sawi a ni. A ruang hi a chhungte hnenah vuina huhnung hmang turin an thawn zui ta a ni.

Pawikhawihtute pawh zawn mek a ni tih thuneitute chuan an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!