Your Daily News

Mexico Ramah Hmeichhiaten An Taksa Chu Cosmetic Surgery Neihna Atan Mipathmeichhiatna Nen An Thleng Thin

0 1,984

Western Mexico state Sinaloa hmun hi damdawi ruihtheihna hmanga sumdawnna hmunpui ani. Heng damdawi ruihtheih hmanga sum luanglut hian a michengte nunah thuk takin nghawng a neih bakah thalaite zingah plastic surgery lam chu an intihhmuh nasa hle bawk ani.

Culiacan khawpuia Clinic neitupa Dr Rafaela Martinez Terrazas sawidanin, a hnenah surgery tih duh mi tam takin an pan thin thu a sawia, a tam ber chuan kawng tihfek, malpui hlai leh mawngbawr lian neih chu an duhthusam a ni a ti. A customer te chu hmeichhe kum 30 atanga 40 inkarte an nia, pian nalh lamah an inel a ni ber a ti bawk. Kum 18 te pawh an taksa siam danglam duh an awm nual thu a sawi a ni.

Dr Martinez sawidanin, hmeichhe tam tak chu an bialpaten a hnenah an rawn hruaia, bialpate tel lova amah pan thin an awm nual tih sawiin mipa te hian an hmeichhe hruaite chu an cosmetic surgery man an peksak thin a ti bawk. Tunge taifek ber tih leh tu taksa nge shape nalh ber tih chu an inelna ber a ni tih Dr. Martinez chuan a tarlang bawk.

Pa pakhat chuan Dr Martinez Clinic ah hian hmeichhia 30 chuang lai a hruailut a, heng hmeichhiate hi an cosmetic surgery man a peksak tih a sawi a ni. Heng hmeichhia te hian surgery an neih atanga thla 6 chhung chu an mahni surgery neihna senso tumsaktu mipa hnuaiah an awma, an taksa chu mipathmeichhiatna lama hman atan an pe mai thin a ti a ni. Thla 6 liam hnuah erawh an taksa chu an ta a ni thei chauh ani.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!