Your Daily News

Mel 10,000 Kar Danah Pandemic Avanga Khawhar Taka Hun An Hman Laiin Online Lamah Intawngin An Innei

0 214

Coronavirus pandemic avangin khawvel hmuntin mai chu buaina in a khata, nula leh tlangval tan pawh hlim taka hmel inhmuh leh lendun chu thil harsa tak a lo ni ta bawk.

Hetih lai hian Australian tlangval Andrew Monck kum 33 a upa leh UK nula Rossana Wilson kum 32 mite chu khawhar taka hringnun an hman mek lai leh COVID-19 avanga inchhung luma an tawm reng laiin online lamah an intawng ta hlauh mai a, thla 4 awrh an inzui hnuin kumtluang atan tiin an inneih zai an rel ta a ni.

Rossana leh Andrew-te chu nitin online kaltlangin an inbe thina, tianga an inbiak fo hnu chuan an inkarah hmangaihna chuan par lo chhuahin, hmaichhana intawh hlan chu an nghakhlel tak zet a ni.

Thawhlehni khan Andrew Monck kum 33 mi chu Australia atanga UK a awm hlen turin Autralia chhuahsan phalna pek a nia, mel 10,000 zeta thui a thlawh hnuah a bialnu Rossana chuan Heathrow airport-ah lo hmuakin, hlim takin hmel an inhmu a, helai hmun atang hian an nupaa an chen dunna tur Devon hmun chu an pan zui ta a ni.

Rossana chuan online lamah engkim an peih peihfel hnua inhmu an nih avang leh an inhmangaihna avangin, airport ah pawh pangai takin an in hmuh thu a tarlang bawk. A bialpa Andrew Monck’an thlawhchhuah phalna a hmu tih a hriat rualin a lawm hle a, a huphurh pui em em bawk tih a sawi.

A hnuah an sawidanin 2011 kum khan Wales ah party neihna hmunah Rossana leh Andrew-te hi an lo inhmu tawh nghe nghe a, an 2 in chu hun chu an hre tawh lo ve ve niin an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!