Report atanga a landanin, Turkey, Kütahya a khawsa pa pakhat Ibrahim Yücell chu a pa chuap cancer natna vanga a boral hnuah ziak zuk bansan zai a rel ve ta tih a tarlang.
Yücell’an zial zuk bansan a tumdan erawh midangte nen a danglam thei viau in a rinawm. Zial zuk bansan chu a tumruh nasa mai a, a bansan tawh hnuah a zuk leh hlauh hlauin a luah sava khawina thir a tah bâwm ang hi a vuaha, chabi a in a kalh hmak mai a ni.
He a lua thir bawm a vuah hi Ibrahim chuan Bikers lukhum helmet atanga a suangtuah chhuah niin an sawi a, copper wire hmangin uluk takin a siam a ni.
Ibrahim Yücell chuan a lu-ah thir bawm vuaha a kalh hnu chuan a kalhna chabi chu a chhungte hnenah a pe a, tiang hian amah leh amah chu zial zu lo turin a in khuahkhirh nasa hle tih an sawi. A nupui pawhin a thlawp tha hle a, zial a bansan theih nan theih tawp a chhuahpui tih an sawi.
Zial bansan duhtu Yücell thil tih leh chetdan chu Online lamah thehdarh a ni lem lova, zial a bansan ngei em tih leh, engtin nge a awm zui zel tih chu thuchiang hriat tur a awm zui ta lo a ni.
