Your Daily News

Mei Alh Sa Tak Karah Hmangaih Taka Inpawmin kut Invuan Chungin An Boral

0 817

Mei Alh Sa Tak Karah Hmangaih Taka Inpawmin Leh Inkutvuanin An Boral

Australia ram, New South Wales, Batlow hmun-ah hmeichhe naupang phir unaute chu kangmei chhuak avangin an thi tih hriat a ni. May ni 18, 2020 khan nu ber Tankya Ford kum 29 mi chu lukham phoro turin pawnah a chhuaka hetihlai hian a fanu phir 2 Aisha leh Lailani Ford te chu inchhungah an awm tih hriat a ni.

Reilote pawna a chhuah hlan chuan inchhungah kangmei chhuak palhin a fate 2 chu an thi tih an sawi. A nuin meikhu a hmuh veleh rang takin inchhung lamah luh tumin a tlana vanduaithlak takin inchhung lam atangin kawngka an lo kalh palh hlauh maia kawngkhar tihchhiaa luh a tumna lamah Tankya pawh darthlalangin a zaithlera a chau chhe hman hle tih an sawi. Kangthelh police-te an lo thlen meuh chuan in pawh chu a kang zo a ni ta der mai. Meikhu an hip luh nasat avangin an damkhawchhuak thei ta lo a ni.

Inchhung lam an han ena unau 2 te chu an lo inpawma an kut invuanin an ruang an hmu ta a ni. Hemite unau thihdan hian mite thinlung a deng na hle a, an mittui a hul thei lo a ni ber. Thenawm khawvengte pawh tap lo reng an awm tih an sawi a ni.

Damdawi in lamah an ruang endik turin an la a, Tankya pasal Geoffrey pawh koh niin a rilru nat em avangin a inlan thei lo hial a ni.

“Ka fanute nunna ka chhanhim thei loh avangin keimah hi ka inhuain ka insit ngawih ngawih ani. An tel loin engtin nge ka awm ang tak ang le! Ka fanute hi an dam a ni tiin sawi hram ang che u” tiin Facebook lamah a ngaihtuahna a pholang nghe nghe. Mi tam takin an taurpuia a thente erawh chuan a fimkur tawk loh vang a ni an ti ve bawk.

Superentendent Bob Noble chuan vanduaina hi englai pawha thleng thei reng a ni. Tankya pawh a fello tia mawhpuh mai lovin a lungaihna leh a tawrhna ata hnem tum zawk rawh u, he a thinlung hliam hi engtikah mah a theihnghilh ngai dawn silo” tiin a sawi. Amah ngei pawh hliam tuarin a awm meka sawiselna tawngkam chhakchhuak lo turin mipuite a ngen tih a sawilang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!