Your Daily News

McDonald Dawr Eng Rinchhanin Pawnah Lehkha A Lo Zir Thin

0 1,004

Philippines mipa naupang kum 9 mi chu mahni inah eng an neih that loh avangin McDonald Dawr eng rinchhanin pawnah lehkha a lo zir thin tih hriat a ni. A pa in a boralsan tawh avangin a nu leh a unau 2-te nen in chhe te ah an khawsa a, lekha ziah nan pencil pakhat chauh a neia, chu a neih chhun tak tak pawh chu an lo ruksak zui tih an sawi.

Naupangtê mahnise Daniel Cabrera chu a beidawng duh hauh lova, engtik niah emaw chuan Doctor emaw sipai hotu lian nih chu a tum tlat mai a ni. Tianga a tum ruhna vang chuan lehkha zir nan zan lamah eng tha nei lo mahsela McDonald Dawr kawtah kalin an eng ringin a lehkhabu tawp chhe te nen chuan a zir ta char char mai a ni.

Zan khat chu Joyce Torrefranca tia koh nula pakhat chuan Daniel lekha zir lai chu hmuin a thlalak leh chanchinte chu online lamah a tarlanga, a hringnun bumboh tak chu a inthlak thleng ta!

Joyce Terrefranca chuan a thlalak dahin “Zirlai ka ni ve a, he mipa naupangtê hian thinlung a hneh tak zet” tiin a ziak nghe nghe.

A chanchin a darh tak hnu chuan miten Daniel Cabrera chu lo hmelhriat chho in mi tam takin tanpuina an pek bakah Fundraising pawh an tihsak nghala, hmalam huna a zir zelna turah duhsak hlanin tanpui an intiam bawk.

Kan hring nunah hian zirtur tam tak kan neia, miropui leh miliante hnen atang chauha zirloin mi taima leh dikna ngaina, mi tumruhte hnen atangin chakna kan la thin tur a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!