Your Daily News

Masi Urlawk Zânah A Nupuiin A Mutpui Duh Loh Avangin A Zahmawh A Tan Chhum!

0 4,050

Spanish pa tan in chhunga hun hmang mek chu a nupuiin Masi urlawk zanah nupa nun a hmanpui duh loh avangin a zahmawh a tan tih hriat a ni. He thil duhawm lo tak hi December 24 zan a thleng a ni tih Daily Star chuan a tarlang. Tân ina hun hmang mek Spanish pa chu thuneitute phalna in a nupuiin a va tlawh a, hetih lai hian a pasal chu tan inah nupa nun a hmanpui duh lo a ni.

A pasal hi Puerto de Santa Maria, Puerto III Prison hmuna tang mek a nia, Krismas a lo hnaih tawh avangin tân ina awm mêkte chu an nupuite nen hun hlimawm tak hmanna remchang an siamsak tih an sawi.

A nupuiin a va tlawh ve ngei a, tân in chhungah nupa nun a lo hmanpui duh tak loh avangin a thinrim em em maia, a nupui a haw atanga reivaklo hnuah a zahmawh chu a tan zui ta tih an sawi.

A tânna cell chhungah chuan thisen a far nasa hle a, thuneituten an hriat chhuah veleh tân in damdawi inah enkawlna an pe nghal tih an sawia, a dinhmun pawh a zia deuh niin an sawi.

Tân in thuneitute chuan engvanga a zahmawh chu tan chhum mai nge a nih tih an zawt a, a nupuiin a tlawh lai hian tân in chhungah a mutpui duh loh avanga thinrimin a zahmawh chu a tan ta mai a ni a ti. He pa hi a hming leh nihna kimchang tak erawh thup sak a nia, amah hrechiangtute sawidanin rilru lamah chian zan lohna a nei tih an sawi ve bawk.

Hun liam tawh September 26 zan khan spanish mi tâng pakhat chuan amah beng a tana a ei zui tih an sawi. India ram, Madhya Pradesh-ah pawh jail tâng pakhat chuan a zahmawh a tan a, an pathian hnenah inthawina atan a lo hlan tawh bawk. A zahmawh chu zawm leh tumin theih tawp an chhuah hnuah an hlawhchham ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!