Marcus Rashford’an Nightclub-ah Hmeichhe Footballer Pianmawi Leh Hmeltha Tak Alisha A Chhanhim!
Football star Marcus Rashford’an Nightclub a hmeichhe footballer chhe lo tak Aston Villa player Alisha Lehmann a chhanchhuahdan leh a chunga a chetdan chuan fak a hlawh hle!
Thla hmasa mai khan Manchester United forward kum 25 a upa Rashford chu Manchester City Centre Chinawhite nightclub ah a lut a, hetih lai hian Swiss hmeichhe footballer Lehmann nen inhmu hlawl tih an sawi. He hunah hian hmeichhe football khelhthiam hmeltha tak Alisha Lehmann chu mipa rualten an lo bawr huk mai a, Lehmann chu a hlauthawng hman hle a ni.
Rashford chuan Alisha hi a hmain a hmu ngai bik lova mahse, footballer Alisha Lehmann ngei ani tih a hriat chuan a thochhuak nghal thuai a mipui zi mur mur karah kawng hawnsakin Lehmann leh a thiante chu amah join ve nghal turin a sawm tih an sawi. Rashford leh Alisha Lehmann te hi an vawikhat inhmuhna a ni nghe nghe.
Swiss footballer Alisha leh Rashford te chu hun engemaw ti chhung an inbiak hnuah, inthen lehin Alisha chuan Rashford hnenah lawmthu a sawi nghal a, Nightclub lam atanga thudawnnnain a tarlandanin Rashford chu an fak tak zeta a thiltih chu chhuanawm an tih thu an sawi chamchi a ni.
