Mak Tak Maiin Arizona Nu Pakhatin Serhkua 2 Leh Chhul 2 A Neih Thu Social Media Kaltlangin A Tarlang
Arizona nu pakhat chuan serhkua 2 a neih thu sawichhuakin, he a pianphung mak danglam tak avang hian thla khatah vawi 2 a period thin niin a sawi. Hei bakah hian naute paina chhul 2 a nei niin a sawilang bawk a, vawikhatah naute 2 a pai thei a ti bawk.
Arizona lam chhuak Leanne Bell kum 37 a upa chuan a piantirh ata uterus didelphys an tih mai, piangphung a rualbanlohna neiin, chhul 1 niloin 2 a nei tih a sawilang bawk. Mak tak maiin serhkua pawh 2 a nei a, hmeichhe dangte ang bawkin thlakip thichhuak pawh pangngai tak a nei thei a ti a ni.
Tik Tok user @theladyleanne chuan a taksa pianphung mak danglam tak chanchin chu social media lama a pholan hnuin, ama chanchin ngaihventu an tam hle a, zawhna pawh a dawng nasa niin an sawi.
Tun thlatir lam khan Leanne Bell kum 37 a upa chuan a fans te hnenah an zawhna chhanna chu tiang hian a ziak a ni.
“Ka taksa pianphung mak danglam tak hi inhriatchhuah meuh chuan mak in ti ngei ang. Mak ang reng takin, serhkua 2, chhul 2 leh Cervixes 2 neiin ka lo piang chhuak a ni” tiin a sawilang a ni.
Leanne hian serhkua 2 a nei nachungin, hmeichhe dang serhkaw 1 neite nen an danglam lo tih a sawi a, thlakip thichhuak thin erawh vawi 2 a nei thung a ti a ni.
A period apiangin a taksa a nghawng na hle tih a sawi a, amah enkawltu tur atan gynacologist a ruai thin tih a sawilang bawk. Khumbeta a tawrh chang a tam a ti a ni.
