Your Daily News

Lottery A Manna Sum Tam Tham Tak A Nupui Account-ah A Dah Chu A Nupuiin Lachhuakin A Bialpa Nen An Tlanbopui

0 18,666

Thailand ramah pa pakhat chuan Lottery atanga a sum man £140,000 zet chu a nupui Account-ah a dah lut a, a nupui chuan awlsam te a lachhuakin a bialpa nen an hringnun bul thar tan nan an tlanbopui tih hriat a ni.

Thai pa Manit tia koh chuan Lottery atanga sum a man £140,000 (an ram pawisa a 6 million baht) chu a nupui Account-ah a dah tha niin a sawi a, a tum dan chuan a sum man a then a zar chu Temple sak nan pek a duh a, a bang zawng chu an chhungkuaah semsawm a tum a ni.

Sum sem tuma an thutkhawm lai hian hmelhriat loh mi 1 a lo lang ve hlawl mai a, Manit chuan an nu hnenah tunge a nih tia a zawh chuan a nupui Angkaranat chuan a chhungkhat hnaivai a nih thuin a lo chhang tih hriat a ni.

Mahse, rin loh tak maiin he mihring hi Manit nupui Angkaranat bialpa a lo ni reng mai a, a nupui nen Manit sum dahthat lak chhuah tumin ruahmanna a rukin an lo kalpui chu niin, Manit chu mangangin kut bengin hun a hmang mek tih an sawi. Manit leh a nupui hi kum 26 zet an innei tawh a, inneihna lehkha an neih loh avangin Police te pawn hmalak ngaihna vak an hre lo niin an sawi.

An inngaihzawn thu hi paber Manit chuan engmah a hriat loh thu leh, tunhma pawhin an nupa karah harsatna an neih loh thu Police te a hrilh. A fapa erawh chuan a nu Angkaranat chu a rinhlelh deuh tawh thu a sawi ve thung.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!