American social media personality leh hmeichhe golfer hranghlui Paige Spiranac chuan hmanni lawka Mayweather leh Logan Paul boxing match a an inbeihna chungchangah mak takin a tawng chhuak ve ta!
Hranghlui professional golfer Paige chuan Logan Paul – Floyd Mayweather exhibition match chungchang chu Sunday ni liam ta khan Twitter lamah sawichhuakin, Boxer 2 te inhnek lai chu an bulhnai maia mikhual Hotel Room a thlengte mipathmeichhiatna hman lai chuan a chawkbuai tih a tarlang.
“Playing Around” Podcast host in a shared danin, “Exhibition match neih lai hian a piah mai Hotel room chhunga mikhual thlengte chuan mipathmeichhiatna an hmanga, a lehlamah nise ui a bauh zui bawk” tiin a tarlang a ni.
Paige chuan a sawi zawmnaah “Paul vs Floyd in fight lai sound chu ka hriat theih nan a volume ka herh sang zui” tiin a sawi.
He a thu sawi hian a followers 445,000 zet chu a ti mangang hman hle tih hriat a ni. Logan Paul-Floyd Mayweather fight chungchang pawh comment a pe zuia, “Eng ang pawhin Paul brothers te chungchang chu sawi mah la, sum erawh an hlawh hnem thawkhat a ni” tiin a sawi nghe nghe.
Paul vs Mayweather fight hi hriat tawh angin Exhibition Boxing Match a nih avangin chak zawk puan a awm lo a ni.
