Your Daily News

Lockdown Dan Bawhchhiaa Pawn Chhuak Tleirawl An Mana, A Pain In Lamah A Lo Pawngsual Thin Tih An Hrechhuak

0 3,143

Malaysia ram, Ampang hmuna khawsa hmeichhe tleirawl kum 16 mi chu November 1, 2020 khan Conditional Movement Control Order (CMCO) dan bawhchhiain pawnah a vakchhuak a, man a ni.

Zin phalna lehkha a neih loh avangin police-ten station lamah an hruai nghala, thu an zawhfiahnaah a pa hnenah a awm theih loh thu sawiin Kuala Nerang, Kedah a awm a nu hnenah kal a tum tih a sawi.

An han zawt thuk zela, a nu leh pate chu 2004 kumah an inthena a pa chu thubuai nei lai a nih avangin September 2019 khan a awm pui tih a sawi. A pa hnenah chuan a pi leh a pa unaute mi 4 pawh an awm ve tih a sawi bawk.

Mahse, a pa chuan ama fanu ngei chu zan lai reh tawh lamah a lo pawngsual fo thin a, February thla atang tawh khan a lo khawih buai tawh a ni. A chhungte pawhin an hriatpui lo a ni.

A fanu chu a nun beidawn em avangin June thla liam ta khan bathroom tihfaina liquid hmangin intihhlum a tum tih hriat ani leh bawk. November 2 khan a pa chu police-ten manin dan anga na taka hremna pek a ni dawn tih thuneitute chuan an sawi. (World off Buzz)

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!