Lionel Messi Chungah Boxer Canelo Alvarez Lawm Lo! An Intawhna Hmunah Kut A Thlak Tur Thu A Sawi

Mexican boxer hmingthang Canelo Alvarez chuan Argentine footballer Lionel Messi chungah a thinrim thu sawiin, kutthlak a duh thu a chhak chhuak ta mauh mai!

Tianga Canelo Alvarez’an Messi vuak a tumna chhan ber nia lang chu, Sunday a Mexico leh Argentina an inhmachhawn tum khan Argentina chuan goal 2 in an hneh a, hemi hnu hian Messi chu lawma auin, Mexican flag zah lo takin a rah vel nia hriat a ni.

Messi’an Dress Room-ah an chakna lawma a chet vel dan chu Canelo chuan a lo thlir reng a, Mexican flag chu chhuatah a kein a chil zui a, hei hi ram leh ram inzahlohna lian tak a ni tih tarlangin a hmuhna hmun apiangah Messi chu a hnek ngei tur thu social media kaltlangin a chhak chhuak zui ve ta a ni.

“Thiante u, Messi-in kan jersey leh flag hmangin chhuat a phiat fai lai saw in hmu maw?” tiin Weight classes 4 lai a champion tawh boxer Alvarez chuan a tweet zui nghal a ni.