Your Daily News

Lehkha A Thiam Theih Loh Em Avangin An Zirtirtuin A Hremna Lamah A Nunna A Chan Phah

0 7,464

China ram, Sichuan province-a khawsa zirlai naupang hmeichhia kum 10 mi Ning Ning chu an zirlai a thiam theih loh em avangin zirtirtuin a hrema a nunna a chan tih hriat a ni. September 10, 2020 chu China ramah pawh ‘Zirtirtute Ni’ (Teacher’s Day) niin zirlai naupang Ning Ning pawh pangpar kengin Sikul lam a pan tih an sawi.

Ning Ning chuan phirpui amah ang hmelpu unau a neia, an unau chuan zinglam dar 9:00 naupang dangte nen lehkha zir an tana, an teacher chuan Math question 2 a zawta a thiam loh avangin a hrem zui ta a ni.

Zirtirtu chuan leiah a thingthittira a hnuah a hnunglam atangin na takin a beng zui tih an sawia, heta thil pawi tak chu a luah kher a beng tih hriat a ni. A ben zawh veleh leiah a tlua amahin a thawh mai theih loh avangin a unaunu leh a classmate-ten kaithoin an thuttir leh ta a ni.

Chhun dar 12 chawlh a hun tep tihah chuan an zirtirtuin Ning Ning chu a awm a nawm loh deuh avangin a pi phone-a biain in lamah hruai turin a hrilha, hmanhmawh takin a pi chu a tunu Ning Ning lam turin sikul a lo thleng nghal tih an sawi. Sikul a thlen chuan Ning Ning chu a biak theih loha, a mit pawh a meng tha thei lo tih an sawi a ni.

Damdawi in lamah hmanhmawh takin tlanpui a nia, a hmun an thlen chuan chhan tlak a awm tawh meuh lo a ni. A thih thu chu puan a ni zui ta a ni.

A pi sawidanin a tunu Ning Ning chu a sikul luhna pawh a la reilo tih a sawia, an zirtitlrtuin naupangte a hrem fo avangin Ning Ning pawh chuan sikul kal a huphurh thin hle a ti bawk.

Chinese reporters lam chuan sikul lama thuneitute thil awmdan zawhfiah tumin phone in biak an tuma, an principal chuan phone a la duh lo tih an sawi a ni. Thil thlendan chhuizui turin an inbuatsaih mek tih hriat a ni. Pawi thin mang e.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!