Khawvelah kutke kim lo a piang mi tam tak an awm a, mahse rilru chhel leh pachang takte chu an piansualnain a tibuai lo a ni.
Hmeichhe pakhat Nurasamawati Mahmud kum 30 chu kutke kim loin a piang a ni.
Mahse Nurasamawati Mahmud hian a lei hmang talin mobile, laptop leh computer chu mi pangngai angin khawih theih a tum tlat a ni. Thil awlsam tak chu anih a rinawm loh khawp mai.
Nurasamawati Mahmud hi hmeichhe chhel tak mai a ni. Kutke kimin nei lo mahse tunah chuan a lei hmang a online shopping hna thawkin ei leh in a zawng mek a ni.
Nurasamawati Mahmud hian online atang eiin leh in chhung sekrek thil a zuar thin a ni, Fish sauce bikah chuan nikhatah um 4,000 vel a hralh niin an sawi. Nurasamawati Mahmud hi a naupan lai chuan naupang dang ang bawkin school a kal ve thin. Mahse an chhungkaw sum dinhmun a that loh avangin school a chawlhsan a tichuan thil a zuar tan ta a ni.
An fanu chu online shopping lamah a hlawhtlin avangin Nurasamawati Mahmud nu leh pa chuan an fanu chu an chhuang hle a ni.