Hmanlai thil hlui, a bikin thir lam chi zawn hnathawktu Buffy Bailey chuan kum zabi 15-na hun laia siam Bible te tak te, suma chantir dawn chuan manto tak si chu a laichhuak tih an sawi.
NHS Nurse Buffy Bailey leh a pasal Ian te chuan Farmland, York bulhnai-ah hmanlai thil hlui an zawnna lamah an detector chuan leihnuai lam 5 inches vela thukah thil hmuh a nei ta tlat mai a, an han laihchhuah meuh chuan rangkachak Bible te chi an laichhuak ta a ni.
He an thil laihchhuah Bible te tak te hi 1.5cm a sei, 5g a rit a ni a, rangkachak tehkhawng teh chuan Carat 22 -24 vela rit a ni. He Bible hi kum zabi 15 na hun lai a siam a nih an rinthu an sawi a, King Richard III chhungkhat hnaivai te ta a nih an rin thu an sawi bawk.
He Rangkachak Bible an hmuhchhuahna lai leh a chhehvel ram chu King Richard III lo khawsakna hmun a nih thu an sawi a, he Bible neitu hi mihausa a nih ngei an rinthu an tarlang bawk. A man hi suma chantir dawn chuan £100,000 a tlingpha a ni.
