Your Daily News

Kum (5 Million) Zet A Rei Puk Chhunga Lo Awm Tawh Rannnung Mak Danglam Tak Scientist-ten An Hmuchhuak

0 3,400

Movile Cave (puk) hi Romania ram awm niin he puk hi Black Sea thlang lam hla vak lo a awm a ni. Min thlahtute chanchin chhuichian theih anih hma atang tawhin he puk hi awm tawh angin mithiamten an sawia, ni eng a hmu ngai lo bawk tih Scientist-te chuan an sawi a ni. A awmdan tur leh a chanchin hi suangtuah thiam pawh a har viau awm e.

He puk hi 1986 khan Socialist Republic of Romania sawrkar chuan Nuclear power plant siamna tur hmun enthlithlai tura hnathawktu a tirh chhuahten an hmu chhuak tih an sawi a ni. An puk awmdan an han zirchianga mihringte chettlatna tur hmun atan chuan hmun him a ni lo tih an hre nghal ta maia, rang takin thuneituten an khar zui ta nghal a ni. Special permit neite leh mi bikte chauh luh phalsak an ni.

Puk chhung chu limestone in a khata, a chhung boruak chan ve chu oxygen niin Carbon dioxide leh hydrogen sulfide erawh a sang hle thung. Ni eng hmuh tur a awm lo bawk.

He pukah hian rannung mak danglam tak tak chi 48 lai hmuhchhuah a nih thu Scientist-te chuan an sawia, maimawm lam pang an tam ber tih an sawi. A thim em avangin heng ramsate hian khawhmuh theihna vision an leh rawng thliar hran theihna pawh an nei lova an nawn (antenna) hmangin leh an kutke hmangin thim thamah pawh an kalna kawng an dap chawp mai thin a ni.

Heng species 48 zingah hian Centipede (tit), water scorpions, pseudoscorpions, leech, isopods te an ni. Engtin nge heng rannung mak danglam tak takte hi ni eng tellova an damkhawchhuah theih tih chu zawhna pawimawh tak a lo ni ta.

Heng rannungte hi Chemosynthetic bacteria hmanga nung an nia chemical reaction lo awm atangin direct-in carbon leh energy an dawng tih scientist-ten an sawi a ni.

Microbiologist, University of Anglia, J. Collin Murrel in BBC Earth a hrilh danin heng rannung puk chhungah awmte hi limestone-in kharkhip chho zelin chhuak leh thei tawh loin an tang hlen ta a nih tih a sawi a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com