Heta mummy hi tunge a nih chiah la hriat a ni lo a mahse Nile lui kama hmuh niin Nobleman(mi pangai chunglam) te thlan a ni tih chu hriat a ni tawh.
Scientist dang ten kan planet ah hian thil chhuichhuah loh a awm tawh lo ti mah se kan khawvel hnuai ah hian chhuichhuah loh ala tam hle a, Kan thil hriat chhuah te hian hun kal tawh min hriat tir a. Mahse a chang chuan anmahni a lo lan chang pawh a awm thin.
Pyramid of Giza ah hian thil la chhuichhuah loh tam tak a awm tih an puan hnuin, official leh researcher te chuan thil hmuh thar an neih thu an rawn puang ve bawk a. Researcher awmkhawm te chuan Nile lui bula thlan kum 3500 a upa tawh nobleman te tana siam chu an hmu chhuak a. Thlan pakhat zawk chuan lei hmanga brick siam leh lung hmanga siam hung bikna a nei a, meter ruk a thuk niin chamber pali a nei a ni.
Banga thil inziak leh lemziak awm te atang chuan King Amenhotep II leh King Thutmose IV hun lai vel a mi a nih an ring, 18 th dynasty hunlai a pharoah(lal) ve ve te anni. Thlan pahnihna chuan luhka panga neiin hall zau tak a thleng a, khur pahnih a nei a ni.
An thil hmuh zingah hian mithi vuina a an hman thin te hmuh tur a awm a. Thing chei te, hmaikawr te, hlum a siam te leh milim 450 vel a awm a. Tichuan mummy lian tak puana tuam an pu ber ni a hriat a awm bawk a ni. Bang chunga thil inker ah chuan Thutmose I hming a inker an hmuh thu ministry hian an sawi bawk.