Kum 24 Chhung Zet A Unaupa Bo Tawh A Zawn Mek Nen An Intawhlehna Hmasaber Zanah A Unaupa In Chemtein A Vit!
Martin Rabanser kum 35 mi leh a unaupa Ivo Rabanser kum 42 mite hi chhungkaw pa ber a boral hnuah kum 24 chhung zet an inboin an an hmel an inhmu tawh lo tih hriat a ni.
Hetia unau pa 2 te kum 24 chhung zet an inbo hnu hian zan khat chu rinloh tak maiin, a upa zawk Ivo Rabanser kum 42 a upa chu in ah a haw hlauh mai a, in a thlen chuan chemte sei leh hriam zet kengin a nau Martin Rabanser chu khumah a mut reng laiin a awmah a vit zui ta a ni.
The Times in a tarlan danin, Martin Rabanser kum 35 mi chu a u kut tuarin hliam na tak nen damdawi inah enkawlna pek a nih thu a tarlang.
Martin Lawyer Nicola Nettis in Reporter te a hrilh danin, pawikhawihtu Ivo Rabanser chu a pa thi ta in an unau 2 tan ro a hnutchhiat chungchangah lungawi loin a thinrim hle tih a sawi. Ivo chuan a nau chenna in chu a hauh ve bawk a, ro thil chungchang chu mi tam takin Lawyer kaltlanga an chinfel laiin Ivo erawh chuan kum 24 a bo hnuah a nau a hmuhsakber zanah chemte a chelek ta mai niin thudawnna chuan a tarlang.
Lawyer Ms Nettis sawidanin, Ivo Rabanser hi khawchhung luh hma, ramhnuaiah inhungin, a unaupa Martin chu hun remchang hmasaber ah beih tumin a inbuatsaih sa tih a sawi a ni.
Zanah Martin leh a nupui fanaute chenna inah lutin, a nau Martin chu a kaitho a, a thawh rualin a awmah tak ramvahna chemte hriam leh sei tak chuan a vit zui ta a ni. Mahse, a thih em chu duhloin, hliam na tak tuarin a kalsan zui tih Nettis chuan a sawi a ni.
Unau 2 te hi Selva di val Garden, Italian Alps a khawsa an nia, an unau hian chhungkaw pa ber boral atanga chhiarin kum 24 zet an inhmu tawh lo a ni. 2007 kum atang tawh khan Ivo Rabanser chu a chhung leh khatten TV leh chanchinbu kaltlangin a lo zawng tawh a, engmah a chanchin hriat tur a awm ta chuang lo a ni. Pawikhawihtu Ivo Rabanser chu Police ten an man zui ta a ni.
