KUM 14 CHHUNG HOSPITAL A KHUMBET COMA A MU’IN NAU A HRING
Kum 14 chhung meuh hospital a khumbet coma a mu’in nau hrin tak mai chu a mak a ni, he hmeichhia hi hospital a thawk pakhat khatin an pawngsual a ni ngei ang tih a rinawm hle.
America ram arizona khawpui a coma a mu hmeichhe pakhat chu December ni 29 khan fapa a hrin tak avangin hospital ah buaina a thleng a ni. He hmeichhia hi pawngsualtu awm lo chuan amah ngawtin a rai thei lo tih kan hre vek awm e.
January ni 8 khan Hacienda Healthcare a thawk mipa zawng zawng chu DNA test an nei vek a ni.Phoenix Police te chuan he tiang a tenawm leh rawng taka dam lo chunga che tu chu hriat chhuah ngei an tum thu an sawi bawk.
An fanu dam lo chhungah he tiang thil rapthlak tak a thleng chu dam lo chhungte an thinrim hle thu an ukil John Michel chuan a sawi.
Hmeichhe pakhat chu thla 9 chhung nau a pai a chu chu kum 14 chhung amah enkaltu hospital chuan a rai thu an hre lo chu mak an ti hle a, hmeichhe rai thu hi hospital hian a hre lo tak tak nge a hre lo der tih pawh ngun takin an chhui zui tur thu pawh police ten an sawi bawk.