Your Daily News

KUM 13 MI MIPA NAUPANG CHU IN LAMAH A NU LEH PA RUALBANLO TE PUI CHHUNGIN AN SCHOOL AH PAKHATNA A LA THIN

0 688

Nu leh pa hmangaih chu hlawhtlinna leh malsawm dawmna ani an tih chu he mipa naupang kum 13 hian ava rawn nemnghet chiang teh kher em ve aw…..

China Lyuliang khua a mipa naupang Li Jiapeng kum 13 chu a nu leh pa te rualbanlo anni a school a kal hmain in chhungkhur chet vel engkim a thawk hmasa thin a, a nu leh pa tan engkim a tih fel hnuah chauh school a kal thin a ni. Chutiang bawkin school banah engkim in chhung chet vel a buai pui leh vek thin. Chuti chung pawh chuan Li Jiapeng chu an school a naupang lehkha thiam thei ber a ni.

Li-a pa hi motor accident avangin a mit a del a, a nu pawh a beng a chhet mai bakah amah pawh inbuaipui thei lo khawpin motor accident vang hian an chhungkua chuan chhiatna rapthlak tak an tuar a ni, Tunah chuan an fapa Li kum 13 chu an chhungkaw zinga dam hrisel tha awm chhun anih angin Li hian an chhungkaw tan a theih tawp chhuahin school kal chungin a nu leh pa chu a enkawl a ni.

Li- te chhungkua chu an harsa hle a li-a pawh hian a hunawl neihah naupang dangte ang a infiam mai mai lo in, hna a rem rem a thawk thin a ni. Li hian a nu leh pa, a enkawl loh chuan tumahin an rawn enkawl dawn lo tih a hre chiang hle a, tichuan he retheihna atanga an chhungkua an a chhan chhuah theih dan kawng awm chhun chu lehkha tha tak a zir hi ani tih pawh a hre chiang hle bawk a ni.

China ram mipui- ten Li-a chhel zia an hriat darh hnu chuan li-a an ngaisang a, a chhungkua enkawl chunga school a lehkha thiam thei ber ani chu ropui anti hle bawk.

 

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!