Your Daily News

Kum 10 Chhungin Fa 10 A Neia, A 11-na A Pai Mek

0 374

Pi leh pute hun lai chuan fa an nei tam thin hle. Tunlai hunah erawh chuan intih changkan nan miten fa neih tam an duh tawh lem lo. Sum leh pai lamah hmasawn duhna avang leh changkangna kawng zawh tumna avangin fa neih tlem chu miten an intih hmuh mek a ni.

USA, New Mexico a khawsa Courtney Rogers leh Chris Rogers te chu 2008 ah an inneia, 2010 kumah fapa an nei tih hriat a ni. Heta tang hian kum 10 chhung chu kum tinin fa an nei tih an sawi. An fate chu mipa 6 leh hmeichhia 4 an ni nghe nghe.

Tunah hian a fa 11-na tur a pai meka November 19 a nei dawn tih Metro UK chuan a tarlang. Courtney Rogers chuan fa 12 neih a duhthu sawiin chhungkaw member 14 tlin chu a duhthusam a ni. A pasalte unau chu 10 an nia, a pasal Rogers chu upa ber a ni nghe nghe.

A pasal nen an inneih tantirh laiin a nu chuan a pasal nen fa tam tak nei turin a lo fiamthu nghe nghe. Courtney nu chuan chhungkaw member tam chu nuam tak a ni tih a lo hrilh nghe nghe.

An nupa hian Georgia Churh ah 2007 kum khan Camp neih laiin an intawnga, a kum leh ah an innei zui ta a ni. An inneih atanga rei vak loah nau a pai nghala, vanduaithlak takin a naute chu a chhiat tih an sawi.

2010 kumah naute a pai leh a, heta tang hian fa 10 chu tluang takin a nei thei ta a ni. An fate hming bulah ‘C’ an telh veka, an fa 10 te hming chu Clint, Clay, Cade, Callie, Cash, Colt, Case, Calena, Caydue leh Carolee te an ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!