Your Daily News

Kum 1 Chhungin Fa 23 Zet A Neia, Chi A Thlahpun Chak Em Avangin Thuneitute An Chhui Mek

0 3,548

Australia a khawsa pa pakhat chuan sawrkar phalna tel lovin a chi mite hnenah a pe chhawng thin a, kum khat chhungin fa 23 lai mai a neih hman avangin thuneituten an chhui zui mek tih hriat a ni.

Alan Phan kum 40 a upa hi Australia, Brisbane a khawsa niin amah hi nupui nei lai a nia, fa 2 a nei tawh nghe nghe. A chi mite pe a, kum 1 chhunga hetiang zat fa a neih avang hian a chanchin chuan sawrkar beng a thleng thuaia, chi a thlahpung chak lutuk tiin state donor registers lam buaipuitu Victoria Assisted Reproductive Authority (VARTA) chuan an chhui zui ta a ni.

Clinics tam takin thuneitute an hrilh danin Mr. Phan hian an lehkhabua an chhinchhiah bak pawn lamah a chi a pe nasa tih an sawi a, he thil avang hian phal chin bak aia tam naupiang an awm phah an ti ve bawk.

Victoria dan in a phal ang chuan mipa pakhatin chhungkaw member 10 thleng fa an nei thei tih a nia, hetih lai hian Mr. Phan chuan a chi chu vawi 9 thleng bak pek a tum lo tih sawiin fa nei thei lo hmeichhe tam takin an ngenna chu hnawl mai harsa a tih thu a sawi lang.

Tianga a chi fa nei theilote hnena a pe chhawng thin chu ngaiah neih chhoin a hna ang maiah miten an ngaihsak tih a sawi a, a thil tih chu a duh vang renga ti a nilo tih a sawi lang bawk.

Ama sawidanin amah chauh hi Australia rama Vietnamese mipa chi petu awmchhun a nih thu a sawi a, hnamdang a nihna avang leh a chi pe chhuahte an hlawhtlin avangin an demand a sang hle a ni.

Phan chuan a chi chu hmeichhiate hnenah Online Group pakhat Sperm Donation Australia kaltlangin a pe chhawng thin tih a sawi a, sawrkar dan an zawm lemlo a ti a ni. He groupa mipa dangte chuan an thik lek lek thin a ti bawk.

Mr. Alan Phan chu dan leh dun zawm lova fa 23 ngawt mai kum 1 chhunga a neih avang leh a chi thlah rate sang ta lutuk chu Victoria state thuneitute chuan ngaimawhin an chhui zui ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!