Your Daily News

Krismas Urlawk Zanah Italian Putarin A Nupui A Thata, A Thahna Chhan Hi A Mak Tak Zet!

0 1,809

Krismas urlawk zanah Italian putar kum 80 a upa chuan a nupui mu tha lai chu rawng takin a that tih hriat niin, a nupui a thahna chhan nia report-na in a tarlan danah a nupui hian nupa nun a hmanpui duh loh vang niin a tarlang.

Putar kum 80 mi Vito Cangini-a’n police te a hrilh danin, a nupui Ukraine lam mi kum 61 a upa Natalia Kyrychok chu Fanano di Gradara khuaah a that tih Newsflash chuan a tarlang a, Putar Vito chuan a nupui chu nupa nun hmanpui a duh avangin mipa chaka damdawi a ei hman a, a nupui Natalia chuan a lo mutpui leh si loh avangin a thinrim hle a, tiang hian a that zui ta a ni.

Vito sawidanin, a nupui hian Krismas urlawk zanah nupa nun hmanpui a tiam avangin mipa chakna damdawi a ei a, a hnuah a nupui chuan a lo hnar leh si avangin tual a that phah ta tih Police te hmaah a inpuang zui ta a ni.

Chanchin ziaktu pakhatin a tarlan danin, tualthattu Vito hian a nupui chu ringhlelin amah aiin a Boss kawp duh zawkah a puh a, an nupa inkarah inhnialbuaina a chhuah hnuin Krismas zanah tak a nupui chu a that zui ta niin a ziak lang bawk.

K

Vito-a’n a nupui a thah hnu hian chhuah laiah thisen nen a ruang chu hnutchhiat a, a mutsan ta daih mai a ni. Hei mai a la nilo, a nupui a thah hnu hian zing chaw vawi 2 a ei hman a, khawlaiah a ui kaiin a lengchhuak hman bawk a ni.

A hnuah Vito chuan a nupui chunga a chetdan chu thenawmte hrilhin, Police call turin a dil zui ta a ni. Thil thlendan kimchang chhui zui mek a nih thu thuneitute chuan an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!