Your Daily News

Mobile App ah chhiar theih in a awm e

KOREA DRIVER INHALHLUM

0 322

South Koreaah motor driver pakhat chuan Korea rama mobile application lianberin an hmelhriat tir motor chuanman inchawitawm service chunga a lawm loh avangin a inhalhlum ringawt. Hei hi South Koreaah thla khat chhunga dirver inhalhlum pahnihna a ni.

January ni 9 khan he driver hian a motor chu America Embassy kawtah a park a, tlailam ni a lo hniam chuan a inhal a, a chhehvela miten a motor atang an pawhchhuah lai hian kum 64 mi driver a la thidang hman lo, amaherawhchu a hnaihber damdawiina a hruai laiin kawnglakah a boral ta a ni.

A lehkha hnutchhiahah chuan hetiang dan lo anga(ama sawi dan) motor chuanman inchawitawm service hi tih tawp ni thuai rawh se tih a chuang. Khawvela motor service neite hian dawrtu neihtam duhin an ti tlawm vaka, mahse inhlawhfa driver tan chuan chan mumal an nei thin lo.

Mahse hetianga motor chuanman inchawitawm hi S Korea mipui 58.2%in an duha, 12.5%in an duh lo tih a ni.

source ‘DVB’

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com