Your Daily News

Kohhranah Hruaitu Inchuhna Avanga Buaina Chhuakah Mi 5 An Thia Mi Engemaw Zat An Hliam

0 563

International Pentecost Holiness Church, Zuurbekom, Johannesburg-ah thisen chhuaha buaina chhuakah thi leh hliam an awm nual tih hriat a ni.

He intihbuaina thlengah hian mi 5 an thia mi engemaw zat in hliam an tuar tih helaia hmuna buaina thelh tuma kal special forces-te chuan an sawi. He intihbuaina chhuah chhan ber chu kohhran huangah hruaitu inchuhna avanga thleng a nih thu an sawi. Police-ten report an dawn bawhzuiin an tualchhung sana zinglam dar 3am ah helai hmun hi an pan nghala mi 200 vel an la zui tih an sawi ani.

He kohhran buaina chhuahna hmunah hian police, defence force leh correctional service lam telin mi 40 vel an inhnamhnawih niin an sawia an vai hian man an ni. Puak thei thil leh silai 30 lai an man bawk.

Television station eNCA tarlan danin hruaitu chungchangah inhnial buaina nasa tak a chhuak tih sawiin mi 200 vel zet hrên an ni tih a tarlang.

The International Holiness Church ah hian member 3 million chuang awmin Church hruaitu hmasa Glayon Modise thlaktu tur ruat chungchangah ngaihdan hrang leh duhdan hrang lo piangin an buai zui ta a ni.

Glayon Modise hi 2016 khan a borala amah thlaktu tur chu ruat a la ni lo tih The South African chuan a report a ni. He kohhran hi 1911 khan Abner Blackmon Crumpler leh Benjamin H Irwin ten an din a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!