Your Daily News

Kim Jong-Un Lungchhiain A Ṭap!

0 607

Khawvel ram hruaitute zinga sual leh nunrawng ber tia an sawi thin, North Korea Supreme leader Kim Jong Un chu mittui tla theilo tur khawpa thinlung sakah ngaih a ni nain lungchhiat hun a lo nei ve tho mai.

A ram mipui hmaah thusawina hun a neih laiin lung chhe takin a tap tih hriat a ni. A tarmit phelhin a mittui a hru hul zeta mipuite hnenah ngaihdam a dil zui tih hriat a ni. “He ram hruaitu tur atan beiseina sang tak nen min daha mahse, in mi beiseina anga ka thawh theih loh avangin i mi ngaihdam ka dil e” tiin a tawng chhuak.

Covid-19 boruaka avangin an ram a kaihhruai that theih loh avangin a lung a chhe tak zet tih a sawi a ni. He thu lungchhiatthlak tak hi an rama sipai lalna a vawi 75th tlin lawmna hunah a sawi a ni.

Kim Jong Un meuh an ram hruaina kawnga a mittui a tla thei chu ram hruaina kawngah innghahna tlak a nih ngei an rin thu Korean Institute for National Unification, Hong Min chuan a sawi chhuak.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!