Your Daily News

Kim Jong Il Thih Champha Vawi 10-na Lo Thleng Pualin, North Korea Ramah Ni 11 Chhung Nuih Khapna Thupek Chhuah A Ni

0 434

North Korea ram hruaitu hmasa leh Kim Jong Un pa ni bawk Kim Jong Il thih champha vawi 10 na thleng hriat reng nan North Korea chuan khapna thupek khauh tak a tichhuak leh ta!

Kim Jong Il thih champha vawi 10 na lo thleng pualin, Sumpreme Leader Kim Jong Un chuan ni 11 chhung nuih khapna thupek a tichhuak a, nuih bakah zu in, bazar kal leh awmkhawmte chu a khap tlat bawk a ni.

US puihna a din Asian radio network, Radio Free Asia in a tarlan danin, North Korea mi leh sa hming thup atanga thu an dawn danin, he Kim Jong Il thih champha vawi 10 na lo thlengah hian nuih, zu in leh intihhlimna zawng zawng pawh tihtawp vek a nih thu a tarlang a ni. Report na atanga thuruk putru in a tarlan danin, Kim Kong Un chuan hmanni lawk khan K-Pop videos en avangin a ram mi, mi 7 chu a khaihlum tawh bawk tih a tarlang.

He nuih khapna thupek bawhchhiat chu hremna a nep lo hle a, a hma pawn Kim Jong Il thih champha a dan bawhchhia mi 2 te chu hruaibo an nih atangin an hmel hmuh tur a awm leh tawh meuh lo tih hriat a ni. He khapna thupek hun chhung hian tumahin an pianchamphaphak pawh an lawm thei lova, an chhungte an thi a nih pawhin tah an phalsak lo bawk a ni.

Kim Jong Un pa, Kim Jong Il hian 1994 atanga 2011 thleng North Korea ramah ro a rel a, a thih ni thleng hian a hna hi a chelh a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!