Your Daily News

KHAWVELA PAWNGSUALNA RAPTHLAK BER A AN SAWI CHU

0 4,992

Hmeichhe pakhat Junko furuta kum 16 chu ruk bo ani a, hun rei tak chhung chu, in chhungah an kalh hnan a ni. Hmeichhe tanna in thenawma nula pakhat chu misual rual zinga pakhat nen hian an inngaizawng tih hriat chhuah ani bawk.

He hmeichhia hi in chhunga an khungbeh chhung zawng hian vawi 400 vel pawngsual a ni, An rukbo ni ah hian a chhungte hnenah a duh thu renga tlan bo anih thu hrilh tura vau ani bawk. Hmeichhia hi an pawngsual mai bakah saruakin an awm tira amah leh mah inti zauthau a inpuah tura vau thin ani bawk .

A taksa ah cigarette linga deh thin a ni bawk.Chu mai ani lo a serh chhungah ( Foreign objects) thil eng eng emaw hnawh sak thin ani bawk.

Hmeichhia hi sawisak thin a ni, A hmai chu chhuatah nawrin a taksa chungah an rap hrep thin bawk. A kutah phuarin an khai a boxing zirna ang hrimin an hmang thin a ni. A hnar atanga thisen chhuakte an khang avangin a ka atang a thaw thin. Gym a an chawi thin thir tlang rit pui pui a dulah an thlak thin. A pumpui in a tuar nasat em avangin tuisik tak ngial pawh a in pawhin a luak chhuak leh vek thin. tlan chhuah a tum apiang cigarette ling in an dep thin bakah a ke chu petrol hmangin an hal thin. A mawngah um an hnawh sak thin avangin hliamna tak a tuar a ni.

A ke kang hliam avangin a kal thei lo, mahse vuak a la tuar cheu. fireworks fawng chu a mawngah hnawhin an hal thin. A kutin zawng zawng hawh sak vek a ni. zial lak kai sa a serh ah an hnawh sak thin. khawvawt hnuai ah saruakin an mut tir thin.Junko-i an hal hlum hma hian a hami leh a mit chu sathau khawnvara hal ani bawk.

Chhiar hreawm khawpin an hrem nasa hle a, an hrem dan zawng zawng chu ziak lang vek lo mai ang,  ni 44 rawng taka an hrem hnuah chuan petrol-in an hal hlum a ni.

Junko-i hian a thih hma ni 44 chhung zawng a tawrhte hi khawvelah hei ai hreawm chu a awm chuang tawh dawn em ni le. Junko i nu leh pa te chuan an fanu an hrem dan a kipakawi a an hriat hnu chuan an rilru a thawng nasa hle a, Hospital ah rilru doctor rawn ngai hial khawpin an rilru a chian loh phah a ni.

Junko sawisa a thattu te hi court chian kuan loh avangin hun rei lote chhung chauh lungin an tang hlawm a ni.

Hmeichhe pawisawi lo a rap thlak thei ang bera ni 44 chhung ngawt sawisatute hian hei aia nasa zawk  hremna an phu hle a ni.

He thil  thleng hi december kum 1988 kuma japan rama thil thleng dik tak ani a, Pawikhawihtute pawh chhuah zalen vek an ni tawh a ni, Mahse Junko Furuta in ni 44 chhunga a na tuar hriat chhuah anih tak hnu chuan mipui ten heng pawikhawihtute hian hremna hmu nawn leh ngei se an duh hle a ni.

Tualthattute,

Hiroshi Miyano – 18

Jō Ogura – 18

Shinji Minato – 16

Yasushi Watanabe – 17

 

 

 

 

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!