Your Daily News

Khawvela Mithi Ruang (Mummy) Hmeltha Ber Chu Hmeichhe Naupang Kum 2 Mi Ruang Niin A Mit Khap Lai An Hmu Thin

0 2,272

Italy ram, Sicily khawpuia hmeichhe naupang kum 2 mi Rosalia Lombardo ruang an vawnthat (mummy) chu khawvela mithi ruang mawi ber tia sawi a ni.

Hmeichhe naupang Rosalia Lombardo hi kum 100 liam ta khan natna khirh tak tuarin a boral a, a pain a ui tak zet a, a ruang chu a dahthattir ta a ni. Rosalia Lombardo pa hi Italian sipai hotu General ni pha ngat a ni a, a hming chu Mario Lombardo tia koh a ni.

Hmeichhe naupang duhawm tak Rosalia Lombardo ruang an vawnthat en tur hian ram hrang hrang atangin mi thahnem tak an Sicily khawpuiah an fuankhawm thin a, a ruang entu mithenkhatte chuan a mit khap lai an hmu thin bawk a, he thil hian sawi a hlawhin mak an ti hle thin tih hriat a ni.

Tianga mithi tawh ni si ina a mit a khap ta mai chu mita hmutu khualzinte chuan mak an ti hle a, a taksaah thlarau a la cham rih an rinthu uar takin an sawi thin a ni.

A chanchin sawi neuh neuh a nih takah chuan mithiamten a ruang endik hna chu an kalpui ta a, kum 100 lai liam tawh mahse Rosalia chu a taksa pengte pawh a la tang mar tha niin a sawi a, a thluak pawh 50% vel bak a sawng te lo niin an sawi.

Kapuchin Catacombs of Polermo, Rosalia ruang an vawnthatna hmunah hian mithi ruang 8000 zet an dahkhawm a, an zingah hian naupang ruang 163 a awm nghe nghe. Kumin 2022 Janaury thla khan Scientist te chuan engtiang chiaha vawn that nge a nih tiin Sicily khawpuia naupang Rosalia ruang chu a hmunah kalin an lo zirchiang tawh tih an sawi.

Helai hmuna ruang sawngbawltu hi Alfredo Salafia a nia, ruang vawnthatna hmanrua atan Zinc, acid leh alcohol products te a hmang tlangpui niin an sawi a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!