Your Daily News

Khawvel Sawinghingtu Miss Hmeltha 2 te Inkara Hmangaihna Lo Pianchhuahdan Chu!

0 8,382

Miss Argentina (Mariana Valera) leh Miss Puerto Rico (Fabiola Valentin) te chuan kar liam ta Ningani khan an inneih thu social media kaltlangin khawvel hriatah an puang a, an chanchin hian khawvel a deng na hle!

Khawvel huapa nula hmeltha 2 te hian Instagram kaltlangin an inneih thu an nemnghet a, an inneih ni chu October 28 a ni tih an tarlang bawk. Miss Argentina leh Miss Puerto Rico te hi a rukin kum 2 zet an lo inkawp tawh a ni.

Innei thar Miss Mariana kum kum 26 a upa leh Miss Fabiola Valentin kum 22 mi te chuan Instagram lamah an inkar hmangaihna chu hun rei tak an vawnruk hnuah, an tan ni hlimawm leh ni bikah thudik puang chhuakin kawngkhar an hawng ta tih an ziak lang bawk ani.

Miss Mariana leh Miss Vanlentin te hi Miss Grand International 2020 an intawng a, an inhmuhtirh phat atangin an inhmangaih nghal niin Hola Magazine chuan a tarlang.

Heta tang hian thlalak leh thu inthawn chhunzawm zelin a ruk thei ang berin an inkawp chho ta ani. An inkar hmangaihna chu Kum 2 lai an zep ruk hnuah khawvel hriatah an inneih thu an puang zui ta a ni. An thlalakte social media lamah post bawk thin mahse mi tam zawk chuan thiantha ah an ngai a, an inngaizawng tih tumahin an hrechhuak thei mai lo a ni.

Nula 2 te inneihna chu khawvelin mak ti mahse mi tam tak chuan social media kaltlangin lawmpuina thu thawnin, inneihna tluantling tak an nei thei chu lawmawm an tih thu an thawn ve nasa a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!