Your Daily News

Khawvel Pa Sangber Chu A Nakruh Bo Zawng Turin Russia Khawpui Moscow-ah A Thlawklut!

0 3,212

Khawvela pa sang ber Sultan Kosen kum 39 mi 8ft leh 3 inches a sang chuan a nupui hmasa zawk kum 8 lai a lo vahvaihpui tawh chu thenin, mo thar melh turin Russia ram khawpui Moscow a pan tih hriat a ni.

Sultan Kosen kum 39 mi hian tun dinhmunnah khawvela mi sang ber nihna Guinness World Record chu a hauh mek a, a san zawng hi 8ft leh 3inches zet a sang a ni.

Mi vannei kan ti dawn nge, mi vanduai kan ti dawn zawk, Turkish lo neitu Sultan Kosen kum 39 mi hian a piantirh ata a taksa lamah felhlelna a nei a, nasa taka hormone lam than vakna piansualna chikhat a vei tih hriat a ni. Amah sawidanin, a san em avangin a chang chuan amah ngei pawh a hreawm phah bakah harsatna neuh neuh a tawh phah tih a sawi a ni. An nupa inkarah harsat awm bawk mahse kum 8 chhung zet chu an innei tlingtla ta tho a ni.

Pathlawi tlawngawl a lo nih takah chuan December thlatir lam khan nupui thar zawng turin Russia khawpui Moscow a pan ta a ni. A sawidanin Russia nula te hian duhawmna ril thuk tak an nei a, fapa duhawm tak leh fanu duhawm tak an hrinsak ngei beiseiin Russia ah a thlawk lut ta a ni a ti.

2013 kumah Kosen chuan Syria hmeichhia 5ft leh 9inches a sang Merve Dibo kum 29 mi nupuiah a nei a, a nupui nen an inthenna chhan ber leh an harsatna tawh ber pakhat chu tawng lamah inhriatthiam lohna a nei tlat niin a sawi. Amahin Turkish tawng a hman laiin a nupui chuan Arabic a hmang thung a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!