Your Daily News

Khawvel Mihring Dam Laite Zinga Mi Mak Leh Danglam Ber Nia An Sawi Thin Chu!

0 3,167

Tunlaia mite mak tih leh a chanchin lar em em mai chu East Africa, Rwanda a khawsa Ellie tia koh tlangval kum 21 a upa hi a ni.

Ellie hian a mihringpuite ang lo takin khawpui leh mihringte chenna hmun chu a ngaina hauh lo maia, ramhnuaiah ramsa kawlhte zingah a khawsa mai thin a, thinghnah leh hnimte chu chaw ah a ring thin tih hriat a ni. Amah hi a tawng thei lo niin a nu chuan a sawi bawk.

A piantirh atang rengin naupang danglam tak a nia, mihringte chenna khawvel chuan a lung a len thei hauh lo tih amah hringtu a nu chuan a sawi. Naupang dangten an chhaih nawmnah thin bawk a, “Zawng i ang” tiin an lo hmusit thin a ni. A lo thang lian zela amahah khawchhung nuamlo tihna rilru chu a nei chho va, ram lamah thlamuang taka awm chu atan vanram tluk zetin a thlanawm zawk ani.

Ellie kum 21 a upa chu khualzinten a chanchin hriain a video an siam a, heta tang hian mite hriatah a chanchin chu a lo darh ta zel a ni. A nu sawidanin a fapa Ellie’an mihring hmel a hmuh meuh chuan theih tawpin ramhnuaiah a tlana, ngaihven zui loh chuan a bo hlen a hlauhawm hle a ti a ni.

A nu chuan a hmain fa 5 a lo chân tawha, Ellie chu a fate zinga naupangber leh Pathian hnen atang malsawmna a dawn a nih thu sawilangin, mihringte zingah pawh khawsa duh lova amah chauha ramhnuai pilrila a chetla thin chu a rilru a nain a ngai thei hle tih a sawi lang bawk.

Ellie khawsakdan hi a mak tih loh rual a nilo. Mihring ni siin chaw pawh a ei duh lova, hnimhnah ringa a khawsak thindante leh a mihringpui a chhungte leh thenrual thate aia ramsa kianga awm a thlang ta mai chu mak an ti hle a ni. Tiang a chanchin a nuin a sawi chhuah hnu chuan amah puih chak mi thahnem tak an lo chhuah phah tih hriat a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!