Your Daily News

Khawvel Eng Hmu Ve Tura Nu Pum Atang Pian Phalsaktu A Nu Enkawltu Doctor Chu Court-ah Khingletin Zangnadawmna Sum Million Zet A Dawng Dawn!

0 1,942

UK nu pakhat chuan a nuin a pai laia a nu enkawltu doctor chu court-ah a khinglet tih hriat a ni.

Vanduaithlak takin Evie Toombes kum 20 a upa chu a piantirh ata a taksa lamah harsatna namenlo tawkin, hrisellohna Spina bifida natna a vei tih an sawi. Evie chuan a nu enkawltu Doctor Philip Mitchell chu damdawi chawh dikloah puhin enkawlna thurawn pe dik tawk loah a puh a ni.

A taksa pianpui natna khirh tak avang hian a chang chuan Evie Toombes chuan Darkar 24 chhung zet te tubes nen hun a hman a tul thin a ni.

Evie sawidanin, Doctor Philip hian a nu chu enkawlna tha leh dik pe se chuan, amah ngei pawh he khawvelah hian harsatna tawkin a piang lo zawk tur tiin Court ah a khing zui ta a ni.

A harsatna tawh zawng zawng avang hian Doctor Philip chu zangnadawmna sum thahnem tak pe turin a phut bawk a, Court chuan a thubuai thehluh chu ngun taka a ngaihtuah hnuah Evie Toombes chuan thiam a chang ta a ni.

He thutlukna chhinchhiah tlak tak pakhat hi Nilaini liam ta khan London High Court Jugde Rosalind Coe QC chuan passed in, Doctor Philip hian damdawi lamah dik takin Evie nu hi enkawlin kaihhruai se a naupai pawh a sawn hla thei a ni tiin, Doctor Philip chu thiam loh a chantir ta a ni.

Evie Toombes chuan a damchhunga a inenkawlna tur damdawi senso man tur sum million chuang zet chu Doctor Philip hnen atangin a dawng dawn bawk a ni.

Evie nu pawhin Court hmaa a sawidanin, chhungkaw hlu tak din turin naupang te a nih lai atang tawhin thutlukna a siam fel thu leh nupa nun pawh Doctor thurawn a dawn hma zawng an hmang lo niin a sawi lang ve bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!