Your Daily News

Video: Khawngaihna Leh Zahngaihna Neilo Misual Chuan Silaiin Mi A Pawngkah Chiam!

0 337

New York khawpui kawtthler, Sheridan Avenue, Mt Eden Parkway bulah Ningani liam ta khan misual tu tih hriat loh silai ak chuan pa pakhat kawrsen ha chu a pawnglah chiam tih Police-te chuan an sawi.

Silai hmetpuaktu hian kawr dum a haa, lukhum a khum bakah mask a vuah bawka tu nge anih tih leh, eng ang mihring nge a nih tih chu CCTV footage atang chuan hriat a har hle a ni.

Silai kah tuartu kawrksen ha zawk chu naupang 2, hmeichhe kum 10 mi leh a unaupa mipa naupang te phenah inhumhimna zawngin a tal nasa maia, naupang 2 te pawh hian silai ri chu an hriatin an hlau tak zet tih an sawi.

Kawngsir lamah an tlanchhia a, an tlanchhiatna lam apiangah a bitum kawrsen ha pa chu a tlanchhe ve zuia, vanneihthlak takin unau 2 te hian hliam na an tuar lo hlauh tih hriat a ni.

Police-te sawidanin, misual silai keng hian vawin 12 zet a silai a hmet puak hmana, a hnuah Scooter in a tlanchhe zui tih an sawi. Silai kah avanga hliam tuar kawrsen zawk chu a hliam a na ang renga silai mu 3 chu a taksa ah lutin a ke leh a hnungzangahte a kap fuh a ni. Silai kah avanga hliam tuar zawk chu manhmawh takin Bronx Lebanon hospital lamah an tlanpui nghal tih an sawi.

Naupang 2 te hi vanneihthlak takin an him hlauha mahse, an chenna hmun an chhuahsan theih nan GoFundMe hmanga sum tuak sak an ni dawn tih an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!