Khaihlum An Nih Tur Thu Hmanhmawh Taka Hrilh An Nih Avangin Jail Tang Mi 2 ten An Ram Sawrkar An Khinglet

Khawvel ram hrang hrangte hian misual hremdan leh thil tihdan kalphung hran an nei theuh a, an rama jail tangte an sawngbawl dan pawh a in ang vek lo a ni.

Khawvel ram te zingah Japan sawrkar hian kalphung dangdai tak mai an nei a, an ram chhunga misual jail tangte chu thi tura an chungthu an rel a nih pawhin, an thih tur thu chu an thihdawn darkar ah lo chuan an hrilh ngailo tih an sawi. Hemi hun hma zawng chu thi tura training pek chu jaila hnathawkte hnapui ber a ni.

Japan sawrkar chuan misual 2 jail tangte hnenah khaihlum an nih tur thu chu darkar khat awrh a awm tihah hriattirna an pe chhuak a, mi tang 2 te chuan hriattirna an dawng ta thut mai chu hriatthiam har an tih avang leh khaihlum an nih tur thu chu hma taka hriattir an nih loh avangin sawrkar chu Court ah an khing let ta a ni. Sawrkar thil tihdan chu ‘Mihring dikna chanvo inrahbehsak a ni’ tiin sawrkar chu an bei let ve ta a ni.

Japan rama mi tang 2 te hian November 2 khan an ram sawrkar chu an khing let a, an ram mipui tam takin tang 2 te thil tih chu an thlawp thu an auchhuahpui a, an hlawhtling dawn em tih chu engmah hriat theih a la nilo a ni.

Tang 2 te aiawha ding Danhremi pakhat Yutaka Ueda chuan tang 2 te hian an thih hun tur an hriat loh avangin nitin zantin rilru hreawm leh chau takin hun an hman phah a, hei hi mihring dikna chanvo zahlohna leh rahbahna a ni tih a sawilang bawk.

Lawyer chuan sawrkar thuneitute hnenah mi tang khaihlum tura tih mi 2 hnenah hian 22 million yen zangnadawmna sum pe turin a phut tel bawk a ni.