Your Daily News

Kartin Sum Petu ‘Sugar Daddy’ A Neih Thu A Bialpa Hrilh Hnuah, A Bialpa MMA Fighter Lo Ni Ṭhin Thinrim Inthunun Zo Lo Chuan Chemtein A Vithlum

0 461

Andrew Wadsworth kum 37 mi chuan a bialnu Melissa Belshaw kum 32 mi chu na taka beiin chemtein a vithlum tih hriat a ni. Manchester Crown Court in a tarlan danin he tualthahna hi Billinge, Wigan-ah May, 2020 a thleng tih a tarlang.

MMA fighter lo ni thin Andrew Wadsword leh Melissa-te hi 2018 kumah an intawnga, a hmain sualna hrang hrang kaihnawihah tan inah khung a lo ni tawh nghe nghe.

September 2019 atang tawh khan Andrew Wadsworth chuan a bialnu Melissa hi a lo ringhlel tawh tih hriat niin, a chang chuan message mak tak tak leh thinrimna lam hawi pawh an inthawn kual thin a ni. A message pakhatah phei chuan “Nawhchizuar nu, tu nge i nih i hria em, mipa tam takin mipathmeichhiatna an hmanpui tawh che” tiin Andrew chuan thu a lo thawn nghe nghe.

Tianga rinhlelh a neih lai leh an inkarah boruak duhawm lo a len mek laiin May 15 liam ta khan Melissa chuan a bialpa Andrew hnenah “Andrew kei zawng nangmah nen kan intawn hma khan kartin sum min petu Sugar Daddy ka nei nia. Chu zawng chu thudik ka neih chu a ni. Kar khatah £1,200 ka dawng ziah thin. Tumah hrilh suh aw” tiin a bialpa hnenah thudik chu a sawi chhuak ta phawng mai a ni.

Chutah Andrew Wadsworth lo thinrim lutuk insum zo lo chuan “Nang ang hian tumahin heng ang thil tenawm hi ka chungah an ti ngai lo” tiin a mutna khum hmalamah a that zui ta a ni.

Ms Melissa Belshaw chuan a nunphung thlak danglam tum a chet danah thiamloh a inchan duh bik lova, March thla liam ta atang khan Sugar Daddy (sum petu) nen kar khatah darkar 2 an inhmuh thin thu a sawi lang bawk. Engkim a neih theihna a nih phawt chuan a thil tih chu pawi a ti lo a ni ber. A thih hma hian Beaty Salon hawn a tum thu pawh a sawi lang bawk.

May 17 khan Melissa chuan a bialpa in chhe tak taka a puhnate chu thudiklo a ni tiin a sawi ve bawk. Tualthattu Andrew Wadsworth chu police-ten manin a ngaihtuahna thluak a buai leh buailoh damdawi lamah an entir hnuah tan in ah an khung leh ta a ni. A chungchang ngaihtuah mek a nih thu thuneitute chuan an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!