Your Daily News

Kangaroo-in Mihring A Thah Hnuah A Ruang Bulah Dingin A Nunna Chhan Tum Paramedics te A Lo Dang

0 1,288

Sunday ni liam ta September 11 khan Peter Eades kum 77 a upa chu ama ramsa vulh Kangaroo kum 3 a upa in a beih hnuah hliam na tak tuarin a thi tih hriat a ni.

Alpaca breeder Peter Eades kum 77 mi hi Western Australia, Redmond a khawsa niin, a chenna hmunah hian a chhungten hliam na tak tuarin an hmu a, tlailam Dar 5 bawrah amah enkawltu damdawi lama mithiamte koh an ni a mahse, heng mite hian daltu lian tak an tawk ta tlat mai le.

Mak tak maiin, Kangaroo chu a mi beih kum 77 a upa Eades bulah dingin, a taksa endik tuma a nunna chhan tum emergency service lam chu hnathawk thei lo turin a lo dang bet tlat mai a ni.

Western Australia Police te chuan duhthlan tur dang an hriat tak loh avangin silaiin Kangaroo hi an kap zui ta a ni. Silaia nena an dahsawn hnuah hliam tuar Eades chu an bawihsawm nghal a, a hliam a lo nasat em avangin a hmunah a thi zui ta ma ni.

1936 kumah New South Wales ah Kangaroo in mi a lo bei leh tawh a, kum 87 liam hnuah tun hi Kangaroo in mi a beih lehna hmasa ber a ni. Wildlife carer Michelle Jones pawhin, Kangaroo te hi pet niloin, ramsa hlauhawm tak an nih thu a sawi ve bawk.

Kangaroo nunchang leh zia zirna lama mithiam Graeme Coulson chuan, Kangaroo leh mihringte hi tungchho che thin kan nih angin, kan inkarah engemaw tizawng takin mihringte leh Kangaroo inkarah hian inelna thalo a awm ngei nia a ngaih thu ABC News a hrilh a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!