Your Daily News

Kabul-a Intercontinental hotel bei

0 334

Afghanistan khawpui, Kabul-a Intercontinental Hotel chu kar kalta Inrinni khan silai keng mi paliin an bei a, security force-te nen inkapin nimin chawhnu lam thleng khan an inkap a, hotel beitu firfiakte hi an vaiin kahhlum an ni.

Hotel manager Ahmad Haris Nayab chuan misualte hi hotel chhungah lutin, silai an pawng kah niin a sawi. He hotel hi tlangchhipa awm niin, venhimna pawh an uluk hle a, heti chung hian kum 2011 pawh khan Taliban firfiakten an lo bei tawh bawk a ni.

Intercontinental Hotel hi Kabul-a luxury hotel pahnih zinga pakhat niin, sorkar official-ten conference neihna atana an hman ber a ni.

Hotel beih a nih hma, kar kalta Ningani khan Kabul-a US embassy chuan America mite hnenah warning pein, firfiakten Kabul-a hotel-te beih an tum nia report an dawn thu sawiin, fimkhur turin an chah a ni.

Interior Ministry thupuangtu Najib Danish chuan Hotel-a inbeihna thlengah hian mi panga an thi a, mi parukin hliam an tuar niin a sawi. Hotel aṭang hian mi 153 chu hmun him lamah hruaichhuah an ni a, an zingah hian ramdang mi 41 an tel.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!