Venezuela opposition lam hruaitu Guaido chuan harsatna tawk mek Venezuela ram lal a nih thu amaha a inpuan laiin a nu Nawkamar chu a bulah a lo awm ve reng a ni. January 23 ah ka fapa Guaidoan thu puangin ram lal a ni ang tih ka ring ngai lova, ka han hria chu ka hamhaih ringawt a, mak ka ti tawp thei lo a ni a ti.
Second rei lote chhunga thil danglam hi a ropui lutuk ka ti duh a ni tiin Venezuela buai chhung lal,a pianna nu kum 54 mi chuan a sawi. Venezuela opposition lamte lalna parliament hotu Guaido chuan mipui sang tamtak hmaah a kut ding lam chu phar chhuakin Venezuela buai chhung lal ka ni tiin a au a ni.
Kum 35 chauhva upa a fapa engineer chu a hmai chhawnah ram pakhat lal a lo ni ta mai leh America a thian tha zawng zawngte pawn lal a tan an lo nemnghet duh mai chu ka zanmang emaw tih tur hi a ni ber e tiin a nu Karma chuan a sawi.
Ka fapa hian lal a nih thu a puang dawn tihte ka hre sa lova, a nupui nen a hnungah kan ding a, parliament memberte pawh an awm. Chutih laiin ka fapa chuan ‘kei hi ram lal ka ni ta’ tiin a au va, kei pawh ka te thawta, ka hlau nghal bawk’ tiin a sawi. ‘Mahse tunah chuan ka fapa hi a inring tawka, chakna pawh a nei tih ka hria’ a ti.
Venezuela ram hi eiruknain a tichhe zo tawha, inthlannaa Nicolas a tling leh hi pawm theih chi a ni lo, inthlan nawn leh tur tiin Europe ramte chuan an fuih a ni.
source ‘mizzima’
