Your Daily News

“Ka Nu Thi Tawhin Min Tir” Tiin A Pi Chenna In A Haldarh

0 387

September 7, 2020 zan dar 8:00pm vel khan rawlthar kum 14 miin a pi chenna in a hal tih hriat a ni. Engvanga in chu haldarh nge anih an zawh chuan “Ka nuin min tir a ni” a ti hmak.

He rawlthar kum 14 mi hi Malaysia, Kuala Terengganu thingtlang khuaa cheng niin a nu chu a boral tawh tih an sawi.

September 7 zan hian a pa leh a pi chu chhungkhat hnaivaite inah leng turin an chhuaka, an kal liam tawh tihah chuan meitalh leh lehkha nawi lain a pi in chu a hal alh ta nghal a ni.

A nute Juriah Salleh chuan in kang, alh hluah hlauh a hmuh chuan rang takin a tlana a pi kiang ah chuan a tupa chu a lo ding reng tih a sawi. A nute chuan engvanga he thil hi ti nge a nih a zawta, rawlthar kum 14 mi chuan a nu thi tawh a hmuh thu sawiin meitalh leh lehkha nawi hmangin in chu hal turin a tir tih a hrilh a ni.

Kangthelh pawlte chu rang takin koh an nia theih tawp chhuaha thelh mih an tum pawhin thing in a nih avangin a kang duh hle maia, thelh zawh rual lohin in chu a kangchhe ta vek a ni.

Mahse, a chhehvela awm inte erawh kang lo turin dan a nia thil thlendan kimchang chhui ani dawn tih thuneitute chuan an sawi. An thenawmte chuan rawlthar kum 14 mi chetdan chu mak an ti hranlo tih an sawia, amah hi rilru lam buai thin niin tunhma pawhin harsatna neuh neuh a thlen tawh tih an sawi bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!