Ka Bialnuin Ka Nu Leh Pa-te Retheihzia Leh Harsatzia A Hmuh Chuan Zahpui a Hnekin An Tan Thilmak Leh Ropui Sawifiah Thiamrualoh A Tihsak Ta Zawka!!

Ka Bialnuin Ka Nu Leh Pa-te Retheihzia Leh Harsatzia A Hmuh Chuan Zahpui a Hnekin An Tan Thilmak Leh Ropui Sawifiah Thiamrualoh A Tihsak Ta Zawka!!

Ka hming chu Sam a nia, thingtang khuaa cheng leh seilian ka ni. Ka nu leh pa te chu kuthnathawk mi an nih angin kan dinhmun pawh sawi tham a awm lo hle. Mahni phak tawkah lungawi takin ka nung ve tawk tawk a, a chang chuan ei tur khamkhawp kan hmuh loh chang a tam hle mai! Heti khawpa kan harsa chung hian, ka nu leh pa te chuan zirna kawngah theih tawpin min fuih a, kan neihchhun sum leh pai pawh an ui hauh lo a ni. An ei ai pawh ka zirna senso atan an dah hram hram thin ani.

Harsa tak chunga ka zirna lama ke ka pen hnu chuan university atangin tha takin ka zir chhuak a, ka nu leh pa te min hmangaihna leh ka tan a an inpekna zawng zawng chhang let thei turin khawpuiah hna ka hmu ve ta hlauh mai a. Ka lawmin ka hlim tak zet a ni. Ka hlawh atang chuan sum khawlkhawma ka nu leh pa te tan chenna in pangai tak mai dinsak ve ngei chu ka tum ruh hle!

Comapany lamah hna ka tan hnu reivakloah chuan, nula hmeltha tak mai Cecillia ka tawng ta hlauh bawk a! Amah chu ka hnathawhna comapny a co-manager lo niin, enga ti nge tun thleng thlenga a la single theih ni tiin ka ngaihtuahna chu a kal thui hle a ni. Rinloh tak maiin ka bialnu Cecillia nu leh pa te hi an inthen tawh a, a nu bulah khawsain naupangte a nih laiin a nu chuan a boralsan ve leh ta a ni.

Cecillia chuan a nu bak he khawvelah innghahna a nei lova, a nuin a boralsan ta chu a rilru a hamhaihin a tuarthiam lo hle. A hnaah chuan theih tawp chhuahin a insawrbing a, a lungngaihna leh a a nu a ngaia a rum thinnate chu hneh a tum tlat a, rilru pangngai neih let leh ngei a tum tlat thung.

Thla 1 chuang awrh kan inkawp hnu chuan, Cecellia chuan ka dinhmun chu a hrethiamin ka chhungkua background lam chu min haidersak hram hram a, a kiangah chuan ka hlimin ka ngaina zual sauh sauh a, kan 2 chuan kan inkarah inpawhna tha tak kan nei chho ta zel a ni. Tianga kan inkawp chhoh hnu chuan, thingtlang hmuna ka nu leh pa te chu tlawh turin min ngen a, ka lo remtihpui ve ta nghal a. A rilrua thil awm chu keimah ngei pawhin ka thil tum leh duh ber a ni. Kan inneih hmain ka nu leh pa te hmuhpuia an rilrute inhmutlang se tih chu ka duhthusam a lo ni bawk nen, khawlamah chuan ka nu leh pa hmuh tumin kan chhuak dun ta a ni.

Kan inchhe tak leh ka nu leh pa tawp ve takte a hmuh meuh chuan engtin tak ngai ang maw? tia keimahah zawhnain min tur ut ut lai chuan Cecillia erawh a hmelah buaina leh danglamna pakhat hmuh tur a awm hauh lo! Hlim takin ka nu leh pa te chibai a buk a, kan in chhe tak chhungah chuan kan lut ve ta rawih mai a ni. Kan in chu a awngrawp tawh avangin hun rei tak han chenna chi ziazang a ni tawh lova, thiah emaw, a nih loh leh repair a nih loh chuan tlu mai thei dinhmunah a ding a ni.

Ka nu leh pa leh ka hmeichhe innghahna ber Cecillia te chu rin ai takin an lo inberem thiam nasa mai a, kan dinhmun chu eng ang pawhin chhe mahsela, ka nu leh pa te chuan Cecillia chu zah tak chung siin an lo lawm thiam phian maia, hei hian keimahah phurna nasa tak min siam let nghe nghe a ni. A tuk leh maiah chuan khawpui lamah chuan let leh mai kam tum a, rinloh hlanin Cecillia chuan ka nu leh pa te hnenah Bank a pawisa lakchhuahna Card chu a hlan zui ta! Pawisa chu chenna in chhelaite siamthat nan tiin Cecillia chuan phal takin ka nu le pa hnenah a pe a ni.

Ka nu leh pa te chuan Cecillia hnenah pawisa chu an lak mai theih loh thu an hrilh a, khawpuia cheng a nih angin a mamawhna a sang zawk tih chu an hai bik lo. Mahse, Cecillia chuan ka nu leh pa hnenh fahrah a nih thu leh an mahni bak nu le pa tia koh tur leh innghahna a neih loh thu sawiin, US $15,000 chu a hnutchhiath ta tho a ni. Ka nu chuan Cecillia in ngilneihna leh hmangaihna a ngahzia chu a ngaihtuahin a lawm em avangin a biangah mittui a luang zui ta a ni.

Ka bialnu Cecillia nen chuan kum a vei hmain kan innei a, In tha tak kan lei a, khawpuiah chuan kan nupa in kan inbengbel ve ta a. Cecillia chuan ka nu leh pa te chu kan hnena khawsa turin a ngen a mahse, ka nu leh pa te chuan khawlama kan in chu in thar ang mai a nih thu leh chhuahsan an la phal rih loh thu in an chhang a, ka nu leh pa te chuan ka nupui ngilnei tak Cecillia zarah liau liau chenna in tha tak an neih phah ta a ni!