Your Daily News

Johnny Depp Defamation Trial-ah A Bialnu Hlui Model Lar Kate Moss-in Thudik Tak A Sawi A Tul A Ti!

0 3,368

Johnny Depp defamation trial-ah a bialnu hlui model lar Kate Moss chu thuhretuah tangin, a inlan ve a nih kha. Trial a a inlan chhan pawh Johnny Depp nen an inkawp hun laiin Depp chuan kailawn sang atangin a namthla nia thuthang a awm vang a ni.

British supermodel Kate Moss kum 48 a upa chuan Amber Heard leh a bialpa hlui Depp trial-ah thudik tak puang chhuakin, 1990 chho a Depp nen an inkawp laia Depp’an kailawn atanga namthla anga thuthang awm chu thudik tawk lo a ni tiin a puang a ni.

Kate chuan, “Johnny Depp hi a chanchin ka hrechiang a ni.” tiin Desert Islands Disc a hrilh tih The Times chuan a tarlang a ni. “Eng hun lai mahin Depp hian kailawn atangin min pet loh bakah min nam lo a ni. Thudik ka sawi a tul a ni” tiin a thil tawn leh hriat chu a sawi tih Sundays Times chuan a ziak lang a ni.

Amah Kate Moss-in a tarlandanin, Jamaica Hotel-ah an thlen laiin thlipui leh ruah a thawk chiam tih a sawi a, hetih lai hian kailawn zuia a chhuk thlak laiin a tlapalh a, Depp chuan a tlak lai lo hmuin a lo tanpui ve nghal a, a room chhungah a chawilut tih a sawi.

Hei bakah hian British model Kate Moss chuan “Dik tak leh fel taka rorelna kalpui ka duh a ni” tiin Interview-naah a sawi tih The Times chuan a tarlang bawk. Depp kum 59 mi leh Moss kum 48 a upa te hi 1994 kum atanga 1997 kum thleng an inkawp tih hriat a ni. He an inkawp hun chhung hian Depp chanchin chhe sawi tur a hre lo a ni ber mai.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!