Your Daily News

Japan Lal Fanu Hmeltha Chuan Hmangaihna Avangin Lal Thisenkai A Nihna Bansanin A Lehkhazirpui Tlangval Naran Pasalah a Nei Ta!

0 1,497

Japan Lal Fanu Hmeltha Chuan Hmangaihna Avangin Lal Thisenkai A Nihna Bansanin A Lehkhazirpui Tlangval Naran Pasalah a Nei Ta!

Lal fanu Mako chuan pangngai takin lal chi leh kuang a nihna chu kalsanin, College a a lehkhazirpui tlangval naran Kei Komuro chu pasalah a nei tih hriat a ni.

Mako leh a bialpa Kei Komuro te chanchin hian sawi a hlawh hle a, an inkar thu hian hun rei tak chhung inhnialna a chawkchhuak nasa hle tih an sawi a ni.

Japan Lal fanu Mako hi lal fanu dinhmun chhawmtu zinga Japan Imperial Throne hmeichhe upa ber a ni. A pasal hi lal thisen kai a ni lova, University ah an 2 hian an intawng a ni. Heti hian hmangaihna avanga Lal fanu nihna dinhmun ropui tak pawh kalsan ngam Mako chuan Japan Lal fanuten lal chhungkua an chhuahsan dawn a sum an dawn thin $1.3million zet chu a hnawl bawk tih hriat a ni.

Mako chuan Press Conference ah thusawiin, a pasal neih tur chungchanga inhnialna nasa tak a chhuak chu pawi a tih thu sawiin, ram chhung mipuite hnenah ngaihdam a dil zui nghal bawk. Tun a chinah chuan, Princess Mako chu Mako Komuro tia koh a ni tawh dawn a ni. A sawi zelnaah, a tan chuan a pasal Kei Komuro chu tumah tan luahlan zawh rual lohva hlu a ni tih sawiin, inneihna chu an duhthlanna tel ngai thil a ni a ti bawk.

Japanese danah hian Lal chhungkaw zingah hmeichhia te chuan lal chhungkua a mi nilo pasal an neih dawnin lal chi leh kuang an nihna chu an kalsan thei tih a inziak a, mipa te erawh hmeichhiate angin lal an nihna bansan theihna zalenna pek an ni lo thung.

Kei Komuro hi Lawyer hna thawk lai a ni a, an nupa hian New York lamah an khawsa zui tawh dawn a ni. An nupa chanchin sawi chhuah nan hming lem phuah niin ‘Japan’s Harry and meghan’ tiin an sawi phah a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!