Your Daily News

Jake Paul’an McGregor Chu Milepler Tiin A Nupui Lakah A Khawsak Dan Sawichhuakin Mite Hriatah A Chhuah Mualpho

0 1,334

Boxer leh YouTuber ni bawk tunlaia rawn lar ta hluai Jake Paul leh MMA star Conor McGregor te hi englai pawha inhal reng leh inralsai reng an ni a, an inhmelmakna hian tawp ni a neih loh hmel hle mai.

Hmanni lawk khan boxer Jake Paul chuan UFC fighter Conor McGregor chu a nupui lakah a khawsakdan tenawm tak sawichhuak lehin a puh mualpho hle a, Octagon chhunga a luh zat ai tam mah McGregor chuan a nupui chu hmeichhe dang lakah a rinawmlohsan a ni tiin a kap zui a ni.

McGregor pawhin Jake Paul hi Twitter kaltlangin a kap na thei riau mai a, a tawngkam chhuakte lah chu Paul tan tawrh a har thin hle ni ngei tur a ni.

Paul chuan Conor hnenah, Octagon lam aiin social media Twitter lamah hun a hman hnem zawk thu a sawi a, a khawsakdan chu bansan a, in fight chhunzawm turin a hrilh nghe nghe.

Hei bakah hian Paul chuan, Conor chu kum 5 chhungin tumah hneh a nei lo tih a sawi a, a hneh awm chhun lah chu Cowboy Cerrone niin, Conor nen an in fight hnu khan a ni pawh hian tumah hneh a la nei lo zui a ti bawk.

Hei bakah hian Paul chuan Conor’an fight vawi 18 a neih tawhah sum $150,000 a hlawhchhuak thei a, Paul erawh chuan vawi 5 chauh a in fight nachung 15 Million sum a hlawh phak a ni tiin, an sum lakluhdan a tarlang a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!