Your Daily News

Italian Doctor In Damna Duha Amah Pantu Hmeichhe Damlo Chu A Natna Tihdam A Nih Theih Nan Damdawiah Mutpui A Chawh!

0 1,293

Italian Doctor In Damna Duha Amah Pantu Hmeichhe Damlo Chu A Natna Tihdam A Nih Theih Nan Damdawiah Mutpui A Chawh!

Italian Doctor thiam tak, a hming “Dr. Magic Flute” tia hriatlar chuan hmeichhe damlo amah rawn pantu chu a natna atanga a dam leh theih nan tiin mipathmeichhiatna hmanpuiah a thlemthlu tih hriat a ni. Doctor chuan hmeichhe taksaa virus awm, cancer thlentu ber chu mipathmeichhiatna hmandun in a dam hlauh thei tiin hmeichhe damlo chu a thlem tih report chuan a tarlang a ni.

Italy, Southern City of Bari a khawsa Dr. Giovanni Miniello kum 60 a upa hi gynecologist niin, amah rawn pantu hmeichhe pakhat kum 33 mi chu human papillomavirus a vei niin a sawi a, he natna hi mipathmeichhiatna hman atanga kaichhawn theih a nih thu a sawi. A hnuah taksaah natna hlauhawm tak cancer natna a thlen thei tih Newsflash chuan a tarlang. Doctor chuan meichhia hnenah chuan amah anga natna vei hmeichhe tam tak chu a mutpui hnuah damna an chang tih a lo hrilh a, he natna hian a umzui ngailo a ti a ni.

Hmeichhe damlo Anna maria chuan a hnuah a chunga thilthleng chungchang chu Italian newspaper La Repubblica hnenah a puang fai ta vek mai a ni. Dr. Giovanni chuan damna beiseia a pan lai hian a hnute a khawihsak bakah, mipathmeichhiatna hmanpuiah a sawm a, he thil hi damlote enkawlna damdawi tha ber a ni tiin a lo kawhhmuh a ni. Anna Maria hnena doctor sawidanin, hmeichhia damlo a mutpuina atangin mi 40 chu an dam tawh a ti ani.

He hmeichhia hian investigative program ‘La Lene’ a hrilh danin, doctor chuan hmeichhe serhah a thil var a hmuh thu a sawi a, hei hian HPV a tel ngei tih a finfiah thu pawh a hrilh zui bawk. Tichuan, mutpuiah a sawm zui a, amah chuan hridanna a lak tawh avangin hmeichhe taksaa chu a tichak zual dawn niin a hrilh bawk.

Mipathmeichhiatna an hman dawn tepa Journalist pakhat chuan doctor khawsakdan mawilo tak chu a zu phawk ta thut mai a, a ngaihna hrelo chuan doctor chuan saruakin Journalist hmaah, he thil hi zirbingna atan a hman thu a sawilang nghe nghe a ni. A hnuah Police ten manin thubuai rip tak an awrhtir ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!