Your Daily News

Israel sipaiten Palestinian khua dap

0 401

Israel-in Palestinian ram a luah, West Bank-a Nablus bulah Israel mi pakhat kahhlum a nih avangin Israel sipaite chuan a chhehvela Palestinian thingtlang khuate chu an dap zui nghal.

Thawhlehni khan Havat Gilad outpost-a Israel mite chenna bul kawngpuiah rabbi, kum 35 mi chu kah hliam a ni a, Tel Aviv bula damdawi-inah hruai ni mah se a hliam tuar loin a thi a ni.

He thil thlen hnu hian Israel sipaite chuan Nablus chhimthlang lam bial chu military zone-ah puangin, Tell leh Sarra khuate an dap zui nghal a ni. Heng khuaah hian tualchhung mite inkarah pawh buaina chhuakin, Israel  mi awmte chuan Palestinian mite car chu lungin an tawng a ni.

Israel sipaite hian khawchhung mite hi thu an zawh hnuah an chhuahsan leh nghal a, security camera-te an mansak tel nia sawi a ni. Sipaite chuan pawikhawitu hi Nablus bialah hian an zawng niin an sawi.

Kum 2002-a siam, Havad Gilad-a settlement outpost hi Israel leh international law hnuaiah dan loa siam nia sawi a ni. Nablus bialah hian dan loa Israel mi cheng eng emaw zat an awm bakah, outpost-te pawh phalna nei loa siam nia sawi a ni bawk.

 

credit, vanglaini

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!