Israel sipaite chuan Palestinian firfiak, Hamas ten Gaza Strip ramri kaltlanga lei an verh chu an tihchhiatsak tih an sawi.
Sipai thupuangtu Lt. Col. Jonathan Conricus chuan Kerem Sahlom border-a lei hnuaia km 1.5-a thui lei verh chu nimin khan an tihchhiat thu a sawi a, thlawhtheihna hmangin lei verh ṭhenkhat leh an hmanruat hi tihchhiat a ni, a ti.
Israel sipaite chuan lei verh chungchang hi hun eng emaw chen an lo enthla tawh tih sawiin, he leiverh kaltlang hian Hamas-te hian Israel beih an tum thut theih thu a sawi bawk. Israel hian kum 2014-a Hamas nena an indo hnu aṭang khan ramri kaltlanga leiverh siam tum hi a veng reng a, thla hnih kalta chhung khan leiverh pathum a tichhe hman niin a sawi.
Israel defence ministry chuan Rafah bula Gaza leh Israel ramri kaltlangna, Keram Shalom goods crossing chu nimin aṭang khan tiam chin awm loa khar rih a ni dawn tih a sawi.