Your Daily News

IS IN CHRISTMAS HMANG MEK TE THIHCHILH BOMB NEN BEIIN MI 8 IN NUNNA AN CHÃN

0 650

 

QUETTA, Pakistan: Pakistan Kohhran pakhat a pre-Christmas an hman lai in thihchilh bomb hmangin IS ho in an bei a, mi 8 thi in mi 30 aia tam chuan hliam nasa tak an tuar.

Quetta-a Balochistan province-a Methodist kohhran hmeichhe pahnih pawh he thihchilh bomb hmanga beihna vangin an thi, tiin province home secretary Akbar Harifal chuan a sawi.

Hliam tuartu mi 30 aia tam chuang zingah hian mi tam zawkte chu hliam nasa tak an tawrh thu Police ten an sawi bawk.

He thihchilh bomb tih puah tuma lo kal mi pakhat chu biakin campus-a a luh hma, thihchilh bomb a tih puah hma in Police ten an kaphlum-a, pakhat zawk chu biakin Kawngka pui ah kal chhuak hman in bomb a hmet puak-a amah pawh a darh sawm vek.

He thil thleng ah hian IS te chuan anmahni tih a nih thu anmahni website Amag News agency ah chuan an tarlang.

Balochistan province-a home minister Sarfraza Bugti chuan, “he biakin ah hian a tlangpui thu in mi 250 vel chauh an in khawm thin a, mahse hemi tum hian pre-Christmas an hman avangin mi 400 lai an lo in khawm tiin a sawi.

Hel ho hian an thil tum hi ti hlawhtling ta sela mipui 400 nunna hi boral vek tur a ni” tiin Home Minister chuan Twitter ah a tweeted.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!